Aşgabat Sen bilen yşkly bolýamyş,
Tronoh Sen bilen gözel bolýamyş,
Bugün şäherimde gözledim Seni,
Tapmadym,
Daň bilen garaşdym azan sesine,
Eştmedim...
Bugün men ýadadym, ölesim geldi,
Imansyz şäherden gidesim geldi,
Balyklara iým, şagallara şam,
Şemala kül bolup siňesim geldi,
Namartlaň ýüzüne diýesim geldi,
Ene-ata nesihat beresim geldi,
Ýalaňaç gyzlary örtesim geldi,
Zynaly sazlary döwesim geldi,
Parahor zalymy ýakasym geldi,
Biwepa milletden dynasym geldi,
Bugün men ýadadym, ölesim geldi.