О Пресвятая и Преблагословенная Мати Сладчайшаго Господа нашего Иисуса Христа, припадаем и покланяемся Тебе пред святою и пречестною иконою Твоею, еюже дивная и преславная чудеса содеваеши, от огненнаго запаления и молниеноснаго грома жилища наша спасаеши, недужныя исцеляеши и всякое благое прошение наше во благо исполняеши. Смиренно молим Тя, всесильная рода нашего Заступнице: сподоби ны немощныя и грешныя Твоего матерняго участия и благопопечения. Спаси и сохрани, Владычице, под кровом милости Твоей Церковь святую, обитель сию, град сей, всю страну нашу православную и вся ны припадающия к Тебе с верою и любовию и умиленно просящия со слезами Твоего заступления. Ей, Госпоже Всемилостивая, умилосердися на нас, обуреваемых грехами многими и не имущих дерзновения ко Христу Господу просити Его о помиловании и прощении, но Тебе предлагаем к Нему на умоление, Матерь Его по плоти. Ты же, Всеблагая, простри к Нему богоприимнии руце Твои и предстательствуй за нас пред благостию Его, просяще нам прощения прегрешений наших, благочестнаго мирнаго жития, благия христианския кончины и добраго ответа на Страшном суде Его. В час же грознаго посещения Божия, егда огнем возгорятся домы наши или молниеносным громом устрашаеми будем, яви нам милостивное Твое заступление и державное вспоможение, да спасаеми всесильными Твоими ко Господу молитвами, временнаго наказания Божия зде избегнем и вечное блаженство райское тамо унаследуем и со всеми святыми воспоем пречестное и великолепое имя покланяемыя Троицы, Отца и Сына и Святаго Духа, и Твое велие к нам милосердие, во веки веков. Аминь.
МОЛИТВА ВТОРАЯ
Царице Небесная, Владычице наша, Госпоже вселенныя, Пресвятая Богородице, нескверная, неблазная, нетленная, Пречистая, Чистая Приснодево, Марие Богоневесто, Мати Творца твари, Господа славы и Владыки всяческих! Тобою Царь царствующих и Господь господствующих прииде и на земли нам явися. Ты убо Божие милосердие воплощенное, Ты Мати Света и Живота сущи, якоже некогда во чреве Твоем носила Его, и на объятиих Твоих имела еси Младенца Слово Превечное, Бога, тако и всегда Того с Собою имаши. Сего ради мы по Бозе к Тебе прибегаем, яко к нерушимей стене и предстательству: призри благосердием, Всепетая Богородице, на лютое озлобление наше, и исцели душ и телес наших болезни, отжени от нас всякаго врага и супостата, избави от глада, мора, от язвы, от вод многих и воздухов тлетворных, и от смерти внезапныя; и якоже три отрока в пещи вавилонстей, сохрани и соблюди нас, да, якоже древле людем Божиим, тако будут вся благая нам чтущим Тя; врази же и вси ненавидящии нас да постыдятся и посрамятся, и уразумеют вси, яко с Тобою Господь, о Владычице, и Тобою с нами Бог. Во дни осени нас сению благодати Твоея, во тьме же нощней просвети светом свыше, всем полезная устрояющи; преложи горесть нашу во сладость,
Радуйся, и слезы отри согрешивших и бедствующих раб Твоих, исполняющи коегбждо прошения вся во благо: вся бо можеши, елико хощеши Ты, Мати Слова и Живота. Тебе Отец венча Дщерь, Сын Матерь Деву, Дух Святый Невесту, да царствуеши яко Царица, предстоящи одесную Святыя Троицы, и милуеши нас якоже хощеши, ныне и присно и во веки веков. Аминь.
Об иконе
Одним из ветхозаветных прообразов, указывавших на Богоматерь, была неопалимая купина - тот куст, который Моисей видел горевшим в огне, но не сгоравшим (Исх. 3). Эта купина знаменовала собою непорочное зачатие Богоматерию Христа от Духа Святого.
Быв Материю, Она осталась Девою: до рождества Дева, в рождестве Дева и по рождестве Дева.
Можно придать и другое еще толкование прообразу неопалимой купины: Богоматерь, родившись на грешной земле, пребыла безусловно чистою, не познавшею беззакония. В церковных песнопениях слышится этот заветный символ: "Якоже купина не сгораше опаляема, тако Дева родила ecu ". В стихире на Благовещение поется: "Радуйся, Купино Неопалимая ".
Благочестивое христианское усердие постаралось закрепить в художественном образе эту мысль, и отсюда возникла икона "Неопалимая Купина ". По народному верованию, икона эта избавляет дома почитающих ее от огня. "Неопалимая Купина" изображается иногда в виде объятого пламенем куста, над которым возвышается видимая от пояса Богоматерь с Младенцем на руках. Это изображение встречается редко. Гораздо чаще изображается восьмиугольная звезда, окружающая Богоматерь. Звезда составлена из двух четырехугольников. Один окрашивается в красный цвет во образ пламени, другой, напоминая зелень таинственного куста, в зеленый. В углах иконы четыре символа, упоминаемые в Откровении Иоанна Богослова: человек, лев, телец и орел, а также Архангелы с теми символами, какие усваивает им церковное предание, Михаил с жезлом, Рафаил с алебастровым сосудом, Уриил с огненным мечом, Селафиил с кадильницей, Варахиил с виноградными гроздьями и Гавриил с веткой благовестия. В руках Пречистой Девы помещается еще иногда, кроме Младенца, лестница, прислоненная верхним концом к плечуБогоматери, - знамение того, что Она возвела человечество от земли на небо. Пишут иногда ещё врата и жезл - символ Спасителя, называемого в церковных песнопениях "Жезлом от корня Иессеева". Одна из наиболее чтимых икон "Неопалимой Купины" находилась в Благовещенском соборе московского Кремля. Принесенная в Москву палестинскими иноками в 1390 году, она, по преданию, была написана на камне той скалы, где Моисей видел таинственный куст.
Празднование иконе совершается 17 сентября по новому стилю и в шестую неделю по Пасхе.
![[]](/img/r/raba_b_i/molitva-53/iknkup.jpg)